Test Posts
Хуман маркет (7/26/2026)
Хуман маркет е можност да донирате од дома, можност да купите производи кои ќе бидат донирани на семејства во потреба во Хуманитарна организација “Свети Спас”
Сега е едноставно и лесно!
Како можете да купите и да донирате (лесно за 1 минута):
1. Посетете ја веб страната www.humanmarket.mk
2. Изберете “Донација” или додадете производи во кошница.
3. Минимално 100 денари – плаќате со картичка
4. Избирате дали сакате да биде анонимоно или не.
Плаќате со вашата платежна каричка.
Преку оваа платформа од целиот свет можете едноставно, брзо и транспарентно да донирате храна и друг вид на помош за оние на кои им е најпотребно.
Без разлика дали сте во Македонија, Европа, Австралија, Америка или каде и да сте низ светот –
едно срце, една цел, една татковина.
Со неколку клика можете:
– да подарите оброк
– да донирате пакет со храна и хигиенски средства
‘ да бидете дел од мрежа на добрина што спасува животи и враќа надеж
Преку Хуманитарната организацијата Свети Спас вашата донација стигнува директно до социјално загрозени семејства, со љубов, грижа и благослов. Вклучете се за да бидете подадена рака на оние на кои им е потребна нашата помош и станете Спас за многу семејства од социјално загрозените категории. Човекољубието нема и не смее да има граници!
Хуман Гест на нашиот брат Сашо Милошевски (2/1/2022)
Нашиот брат Сашо Милошевски реши своите награди од Богојавление да ги донира на социјално загрозени семејства…
На овој голем празник, на откровението на Светата Троица на целото човештво преку крштението на нашиот Господ Исус Христос во реката Јордан, оваа година јавно се откри и големото срце на нашиот народ… Нашиот брат Saso Milosevski, кој по Божја промисла го фати крстот во Кисела Вода, во договор со своите најблиски и другарите кои скокнаа по крстот решија наградите кои ги добија да ги донираат на нашите сограѓани, нашите браќа и сестри од социјално загрозените категории. Заради желбата на Сашо заедно да ги поделиме донациите и здравствената состојба во која се наоѓам, Сашо реши донациите да ги поделиме во текот на идната недела.
Денес сум радосен заради фактот дека мноштвото од оние кои го фатија крстот, решија наградите да ги донираат на социјално загрозените семејства и да ја покажат својата христијанска љубов, дозволувајќи му на Бога да делува преку нив.
Бог да ве благослови и награди за вашето човекољубие сите!!!
Бог се јави браќа и сестри!!!
Денес, заедно со братот Saso Milosevski посетивме пет семејства од нашата програма за континуирана помош и им ги поделивме наградите кои тој ги доби: машина за перење, телевизор и три правосмукалки. Радоста на луѓето кои ги добија овие подароци беше навистина неизмерна и гестот на нашиот брат Сашо ќе го паметат долго.
Брате, ти благодарам за прекрасниот гест кој предизвика толку многу насмевки! Бог да го благослови и награди твоето семејство за вашето човекољубие со здравје, радост и успех!!!
Благодарност и до нашиот градоначалник Орце Ѓорѓиевски – Orce Gjorgjievski за прекрасната организација за Богојавление и за поддршката на идејата и желбата на нашиот брат Сашо да ги донира наградите.
Дарување на 350 оброци за социјално загрозените од Градоначалникот на општина Кисела Вода (1/26/2022)
Дарувањето на еден ваков голем и убав христијански празник ги потенцира човечките доблести – солидарноста, хуманоста и грижливоста.
Да се дарува, значи искрено и од срце да се помогне онаму каде што е најпотребно.
🍛🍞 На 14.01 обезбедивме 350 оброци за социјално загрозените од општина Кисела Вода. Се потрудив на дел од нив лично да им ги однесам со цел со овие лица малку да се подружиме и овој празничен ден да им го направам поисполнет и поразличен од другите.
📌 Празничен ручек добија и децата од улица, бездомните лица, лицата во домовите, а обезбедена е донација и за лицата кои имаат потреба од помош од храна во народната кујна во ,,Св. Спас” во Драчево. Токму во ,,Св. Спас” во Драчево, со празничен ручек заедно со сите лица кои ја посетуваат народната кујна го заокруживме денешниот ден.
☝️ На средбата ги информирав и дека во тек е тендерската постапка со која ќе им обезбедиме огревно дрво кое ќе им помогне полесно да ги пребродат студените денови и дека активно ќе работам да се подигне стандардот во општината за да го намалиме бројот на луѓе кои ќе зависат од нечија помош.
Сакам да се заблагодарам на општинската организација на Црвениот Крст, на Хуманитарни акции – Скопје, како и на отецот Оливер и хуманитарната организација ,,Св. Спас” кои ни се силна поддршка во оваа хумана мисија.
☦️ Нека е за многу години и нека дава само радост, здравје и бериќет на секого!
Mагацинот на нашата хуманитарна организација се преселува на нова локација (1/26/2022)
Од 01.02.2022 година магацинот на нашата хуманитарна организација се преселува на нова локација…
Од 03.02.2022 година новата локација на магацинот е на ул. Јустинијан Први бр. 118 во Драчево.
За да можеме да функционираме како досега, потребни нѝ се сталажи, па доколку може некој да нѝ помогне со овој проблем, би ви биле благодарни.
Благодарност до момците кои нѝ го измолерисаа и разубавија магацинот:
Мики Стојановски
Антонио Петровски.
Благодарност до Nikola Trpceski и Marjan Nikolovska кои се потрудија и го разубавија магацинот,како и до братот Goran Petkovski и неговата екипа.
Бог да ве благослови!!!
The Soul of Macedonia, за најубавите наши цркви и манастири (1/13/2022)
Во пресрет на новогодишните и божиќните празници, во периодот и кога од печат излезе мојата најнова монографија за убавините на Македонија а поттикнат од хуманата мисија која со години и години успешно ја остварува хуманитарната организација Свети Спас, би сакал со вас да ја споделам мојата идеја за заедничка акција за помош на лицата, на фамилиите на кои сме им највеќе потребни периодов.
За прв пат во нашата и ваша хуманитарна организација ги нудам за продажба моите две последни монографии, фотомонографијата The Soul of Macedonia, за најубавите наши цркви и манастири, фрески и икони, како и монографијата Beautiful Macedonia, фотомонографијата за најубавите места, планини, реки, езера, водопади, пештери, археолошки локалитети во Македонија.
Двете мои дела се со текст на англиски јазик, со преку 300 фотографии, тврд повез и на преку 370 страници и се идеален подарок како за вашите бизнис партнери, пријатели, дипломати така и за самите нас, за нашите домашни библиотеки. Со секој купен примерок воедно и помагате директно на многу лица на кои сме им најпотребни, донирате огромен дел од средствата во организацијата Свети Спас за купување на храна за најзагрозените семејства.
За сите дополнителни прашања и нарачки, слободно контактирајте не.
Ви посакувам среќни и бериќетни новогодишни и божиќни празници
Со почит,
Наце Попов
Хармоника за децата од училиштето за деца со оштетен вид ДУРДМОВ “Димитар Влахов” (1/13/2022)
На 24.12 повторно го посетивме училиштето за деца со оштетен вид ДУРДМОВ “Димитар Влахов” да ја доставиме хармониката која ја ветивме…
Голема благодарност до братот Goran Petkovski кој ја донираше хармониката и до анонимната дарителка која донираше 1500 денари за промена на каишите.
Со здравје да ја користите хармониката!!!
Бог да ве благослови и награди за вашето човекољубие!!!
Бадникови поворки со ЦРВЕН ТЕПИХ НА ХУМАНОСТА (1/13/2022)

Бадникови поворки со ЦРВЕН ТЕПИХ НА ХУМАНОСТА ❤

Втора година по ред, Бадниковите поворки на радост коишто вообичаено вклучуваат директно учество на неколку илјади деца, ќе бидат заменети со големи хуманитарни акции.

За жал, пандемиските услови налагаат да се воздржиме од поголемо групирање и на секој можен начин да се потрудиме да го заштитиме здравјето на најмалите и најмилите.

Затоа Божикната радост, љубов, топлина и добрина во целиот претпразничен период и за време на Бадник и Божик, ќе ги шириме во вид на грижа за нашите сограѓани коишто се погодени од кризата и имаат егзистенцијални проблеми.

ℹ За таа цел, во периодот од 28.12.2021 до 05.01.2022 на плоштадите и други фрекфентни места низ речиси сите градови во Македонија, се организираше ЦРВЕН ТЕПИХ НА ХУМАНОСТА.

Поставен покрај Божикната пештера, со црвениот тепих, симболично ја истакнавме потребата за помош на ближните како наша најголема христијанска должност, а наши ѕвезди на црвениот тепих, ќе бидат сите хумани граѓани, фирми, организации, здруженија.

⚠️ СОБИРАМЕ ИСКЛУЧИВО НЕРАСИПЛИВА ХРАНА, ЗА И НАШИТЕ СОГРАЃАНИ ВО НЕМАШТИЈА, БЕЗГРИЖНО И РАДОСНО ДА ГО ПОМИНАТ ПРАЗНИЧНИОТ ПЕРИОД.

Со најголема љубов и почит,
Ваши Бадникови Поворки

Приказната за Александра од Куманово има среќен крај! (1/13/2022)
Со помош на нашите донатори
  • Анонимна донаторска од САД
  • ТММ
  • Alkoplast Dooel
  • Џико
успеавме да оспособиме уште една соба за тие повеќе да не спијат на подот. Навистина сите сме пресреќни што успеавме да го израдуваме и ова семејсто, а за нивната радост ВИЕ сте главните “виновници” 😀
Ви благодарам на сите и Божјиот благослов да биде постојано со сите вас!!!
Го реновиравме домот на самохрана мајка во Радишани – И тие оваа нова година ќе ја пречекаат во целосно реновиран дом (1/13/2022)
Благодарение на нашите донатори успеавме да го реновираме домот на самохрана мајка во Радишани и тие оваа нова година ќе ја пречекаат во целосно реновиран дом. Целосно ја сменивме електричната инсталација, ја средивме водоводната инсталација, ги сменивме старите прозори со нови ПВЦ прозори, нова влезна врата, нови собни врати, комплетно го реновиравме тоалетот, ламинатот и сѐ останато, а поставивме и надворешна термо изолација. Ова е најтемелното реновирање кое сме го извршиле и сето ова го направивме благодарение на нашите донатори :
Ви благодариме на сите кои активно се вклучивте во акцијава и успеавте да ја вратите насмевката на ова семејство.
Бог да ве благослови и награди за вашето човекољубие!!!
Реновирање на опожарениот дом на Тони (1/13/2022)
Започнавме со реновирање на опожарениот дом на нашиот брат Тони и се надеваме дека, со ваша помош, наскоро ќе завршиме. Би сакал јавно да им се заблагодарам на сите кои досега се вклучија во оваа акција:
  • ЗИНЕС донираше дел од потребната граѓа за промена на покривот;
  • Игор и Goran Dzikovski ја платија работната рака за промена на покривот;
  • Мирче ќе донира прозори за целата куќа;
  • Metodija Jovanov ќе донира целосен материјал за довод и одвод на водовод;
  • Nikolovski Ljupco и Darko Runtev ќе ја средат лимарската работа на покривот.
Ова е само почеток и ќе нѝ биде потребна вашата помош за да можеме да го вратиме Тони во неговиот дом, но верувам дека со заеднички сили ќе успееме во намерата.
Да се сетиме на зборовите на градоначалникот Орце Ѓорѓиевски – Orce Gjorgjievski (на кого во оваа прилика му се заблагодарувам за сета помош која нѝ ја пружа) : “Секој еден е важен” и да се вклучиме во реновирањето.
Бог да ве благослови!!!